今次好欣賞大台製作既《BB來了》，當中共鳴位非常多，未睇既朋友快d去煲喇。
究竟BB來了，對我地女士有什麼變化？在此分享自己少少個人看法。
1. 明白世上只有媽媽好
BB一出世個刻仲有坐月期間非常體會到阿媽系最最最緊你個位，個BB都系其次，無論你順產定開刀，痛一定系阿媽心中。老公都好幫手，不過阿媽系最好。
2. 身形變差
劇中提到恬恬身形變胖，皮膚變差。我生完BB之後，身形不算很胖，不過下盆大腿的確變大了，不過可以俾d推動力自己去做下運動。
3. 工作上變化
生bb得確要作出犧牲，我工作量因為要照顧bb而減少了。暫時都沒有機會去博殺，不過錢可以等孩子上學後再賺回來，而bb頭2-3年既健康同與媽媽相處既時間系無價。
4. 名牌購物慾下降
未生bb前，會花金錢系名牌手袋同貴價護膚品身上。有左BB之後我就轉左用背囊，仲記得好好笑我學生問：「點解會有個書包系度？你要番學？」我答佢：「呢個吾系書包，系背囊！」佢一頭霧水🤣
5. 變得有同理心
做左人阿媽之後會更加理解其他小朋友既不足。每個小朋友都系家長心中no.1，所以我對某d調皮同學習能力較慢既學生多了一份耐性。另外搭地鐵時會多留意需要讓座既人，因為自己曾經有段時間都系坐緊關愛座，大家有冇少少掛住呢？
6. 學會照顧
以前做阿女真系萬千寵愛，而家要學懂整潔、幫bb凖備食物、BB生病時需要注意乜⋯總之每日都學習緊。
7. 朋友圈變種
加入媽媽group之後真系增長不少知識，雖然少不了有少許媽媽在炫耀，不過總會有一、兩個投契既媽媽。
8. 老公關係昇華
BB來了之後，與老公爭執多了。不過只要冷靜過後大家仍然系好伙伴，要記得老公都系你既隊友啊🐽。
女人吾一定要有婚姻有BB先完美。雖然BB來了之後，打亂了我生活，但每日都會有不同挑戰，呢種不完美都系一種美好磨練。
Man Man Diary 