仲記得當初知道肚裏面既BB系女仔時，係診所到喊。老公反應系：「我預左系女！」阿媽反應系：「咦！無所謂喇！你自己都系女⋯喊乜啫！」系囉⋯⋯自己都系女！到Elly 出世之後我既心情就完全改變了，畢竟BB系上天賜俾我既禮物，而且聽聞BB系因為選擇了我所以先黎呢個世界。
就等我列出生女有乜好喇！
1. 生女有藉口買更多衫
呢個吾應用系我身上，不過生女收d禮物同衫又真系好靚，尤其系我學生家長送既衫，好多都配埋隻毛公仔。
2. 女兒是爸爸前世情人
系真架！初初我老公仲話想要仔因為可以一齊打機！不過你睇佢兩父女d眼神就知道連我呢個主力照顧者都要行埋一邊。
3. 生女兒經濟壓力上少d
傳統上女會嫁出去，仔可能要同佢擺酒。雖然都系未知數，不過我既情況系女兒可以入讀自己母校，真系吾洗煩又吾洗做虎媽。
4. 生女兒不用處理婆媳關係
嗯⋯呢個真系毋須多講，如果我生仔都會好擔心個新抱又煩又惡！
5. 女兒黏家
姑勿論第日個女嫁左出去仲會吾會番黎，以我所觀察，我d男學生一到4-5年級已經有自己打機睇戲圈，但女學生大部分到初中都仲會痴着媽媽。
6. 女兒可以令媽媽既童年黎多次
我到而家仲好鍾意Disney 卡通同Sailormoon, 所以我非常期待我女快d可以陪我睇電視，如果系男仔雖然我都鍾意Marvel 系列，但一定吾及同性別喜歡既野甘有共鳴。不過生BB過程根本就系搵命博，所以系男系女都一樣甘珍貴！
作者：Man Man
FB: Man Man Diary
Man Man Diary 